O restaurante Maresol que plantaran había cinco anos a carón da praia, tiveran que pechalo aos poucos meses de abrir. Unha inspección de sanidade determinara que na cociña había cascudas e ratos, e nin sequera unha empresa de fumigación fora quen de acabar con eses noxentos bechos.
Agora o chan estaba cuberto de rala, as mesas de po e algunhas arañeiras campaban como improvisadas randeeiras de moscas destemidas. A través das fiestras axexaban ás veces os nenos: nos pratos só quedaban uns anacos de tortilla.
Ningún comentario:
Publicar un comentario